حضرت صبغت الله مجددي د ۹۴ کلونو په عمر وفات شو

0 43

د افغانستان د عبوري حکومت مشر او د ملي نجات ګوند رييس حضرت صبغت الله مجددي د ورپېښې ناروغۍ له امله د ۹۴ کلونو په عمر ومړ. د ده کورنۍ ته نژدې سرچينې وايي نوموړي د فبرورۍ بيګاه ناوخته کابل کې ساه ورکړه. تر دې وړاندې هم څو ځله د مجددي د مړيني خبر خپور شوی و چې هر ځل يې د کورنۍ له خوا رد شوی و.

ټاکل شوې چې د نوموړي د جنازې مراسم د چهارشنبې پر ورځ د کابل غازي سټډيوم کې تر سره شي. صبغت الله مجددي په ۱۹۲۵ کال کې د مجدديانو په مشهوره ديني کورنۍ کې زيږېدلی و. نوموړي په ۱۹۴۰ کال کې د مصر په قاهره پوهنتون کې خپلې لوړې زده کړې پای ته رسولې وې. افغانستان کې د ثور له کودتا وروسته چې د خلق ديموکراتيک ګوند واک ته ورسېد مجددي پاکستان ته ولاړ او د ملي نجات جبهې په نامه يې د کابل دولت پر وړاندې سياسي او وسله واله مبارزه پيل کړه. په ۱۹۹۲ کال کې د ډاکټر نجيب الله د حکومت له ړنګېدو وروسته مجددي د افغانستان اسلامي دولت د لومړني ولسمشر په توګه د څو مياشتو لپاره دنده ترسره کړې وه.

سپوږمۍ رادیو

Comments
Loading...