امریکا: تروریزم سره د مبارزې په برخه کې افغان ځواکونه یوازې نه پرېږدو

0 29

د امریکا د دفاع سرپرست وزیر:
تروریزم سره د مبارزې په برخه کې افغان ځواکونه یوازې نه پرېږدو

د امریکا د دفاع سرپرست وزیر پاتریک شنهان ویلي چې امریکا له تروریزم سره د مبارزې په موخه له افغان امنیتي ځواکونو سره هر راز مرستو ته چمتو ده. هغه دا خبرې نن د ملي دفاع له سرپرست وزیر اسدالله خالد سره په لیدنه کې کړې دي. له ملي دفاع وزارته په خپرې شوې خبرپاڼه کې راغلي، په دې لیدنه کې دواړو لوریو د افغانستان په روانو امنیتي او دفاعي حالتو هر اړخیزې خبرې اترې کړې دي. خالد د ملي پوځ وروستیو لاسته راوړنو ته په کتو د امریکا له هر اړخیزو مرستو مننه کړې او د ملي پوځ د پیاوړتیا، مسلکي ښوونې او روزنې په برخه کې یې د نورو مرستو غوښتونه کړې ده. سرچینه کاږي چې پاتریک له ملي پوځ سره د مرستو ژمنه یو ځل بیا تکرار کړې او ډاډ یې ورکړی دی چې هیواد یې د ښوونې او روزنې، د پوځ د سمبالتیا او له تروریزم سره د مبارزې په برخه کې افغان دفاعي او امنیتي ځواکونه یواځې نه پرېږدي.

Comments
Loading...