پولنډ کې د شربت‌ګلې عکس په لوړه بيه د پلور کېدو ريکارډ جوړ کړ

0 160

د ميرمن شربت ګلې يو عکس تېره پنج‌شنبه په پولنډ کې د یوې بولۍ پرمهال په لوړه بیه وپلورل شو او دې هېواد کې يې په لوړه بيه د عکس پلورلو ریکارډ جوړ کړ.

د بولۍ جوړولو پولنډۍ کمپنۍ “دیسا یونیکوم” پرون جمعه خبر ورکړی چې د “سټیف مک کري” په لاس د شربت‌ګلې اخیستل شوی عکس په ۲۸۳۰۰۰ زلوتي پولنډي پیسو چې څه باندې ۷۰زره ډالر کېږي، وپلورل شو.

دې کمپنۍ دا هم ویلي چې د شربت‌ګلې عکس په ټول پولنډ کې په لوړه بیه د پلورل کېدو له امله ریکارډ جوړ کړی دی. د شربت‌ګلې مشهور عکس شاوخوا ۲۵کاله وړاندې د کډوالۍ پرمهال په پېښور کې د امریکايي عکاس سټیف مک کري له لوری اخيستل شوی او د نېشنل جیوګرافیک مجلۍ په پښتۍ يې ۱۹۹۵ کال کې خپور کړ.

شربت‌ګله په دې عکس کې د خپل ژور ليد او شنو سترګو له کبله د کډوالو په نړيوال سمبول بدله شوه. دا افغانه مېرمن چې اوس یې عمر نږدې ۵۰ کاله دی، په کابل کې اوسي او څو کاله وړاندې د افغان حکومت په سپارښتنه له پاکستان بېرته خپل هېواد ته راستنه شوه.

Leave A Reply

Your email address will not be published.