ولسمشر غني د طالبانو تاوتريخوالي له امله له زيانمنو خلکو سره د مرستې امر کړی

0 48

ولسمشر محمد اشرف غني وايي، د وسله‌والو طالبانو له لوري د تاوتريخوالي زياتوالی او په ځانګړې په توګه په هلمند کې وروستۍ جګړې د زغملو وړ نه دي او په کلکو ټکو یې غندي.

نوموړي ويلي چې د ياد تاوتريخوالي په ترڅ کې ډېر خلک له خپلو کورونو بې ځايه او ان ځينو کورنيو ته د سر او مال زيان هم اوښتی دی. ولسمشر غني چې دا څرګندونې يې په يوه ويډيويي پيغام کړي زياته کړې چې يادو زيانمنو کورنيو ته د بېړنيو مرستو رسونې په هدف يې اړوندو ادارو ته امر کړی دی.

ولسمشر غني زياته کړې:

«په هېواد کې وروستی تاوتریخوالی په خاص ډول د هلمند وروستۍ جګړه چې بې ګناه وګړو ته یې مالي او ځاني زیانونه واړول په کلکو ټکو غندم او ورته خواشینی یم. د طالبانو دا وحشت په هېڅ صورت د منلو نه دی او د هلمند زیانمن شویو کورنیو ته د زړه له کومې تسلیت وايم.»

ولسمشر غني دا څرګندونې داسمهال کوي په دې وروستيو کې وسله‌والو طالبانو د هېواد په کچه خپلې جګړې ته تر وروستي حد شدت ورکړی دی. امريکايي چاروکو او د نړۍ زيات شمېر هېوادونو د طالبانو دا کار د دوحې هوکړې خلاف عمل بلل خو وسله‌والو طالبان بيا په دې اړه بې تفاوته پاتې شوي دي.

Leave A Reply

Your email address will not be published.