کمال خان بند شپږو میاشتو کې د اوبو ذخیره کولو ته اماده کېږي

0 77

په نیمروز کې د کمال خان بند چارې بشپړېدو ته نږدې شوې دي او په راتلونکو شپږو میاشتو کې به د اوبو ذخیره کولو ته تیار شي.

د چارو ادارې عمومي رئیس فضل محمود فضلي وایي، ولسمشر غني نن نیمروز ولایت ته د خپل سفر پر مهال د کمال خان بند د چارو کتنه هم وکړه او دغه پروژه به ژر بشپړه شي.

د کمال خان بند جوړېدل د نیمروز او جنوب لویدیځې حوزې د خلکو لویه غوښتنه ده چې درې کاله وړاندې یې د درېیم فاز د بنسټ ډبره ولسمشر غني کېښوده.

د نوموړي په وینا، دغه بند به د روان کال د لیندۍ میاشتې په وروستیو کې د اوبو زیرمه کولو لپاره چمتو شي او نږدې۱۸۰۰۰۰هکتاره ځمکه به خړوبه کړي چې دا به د سیمې د ښېرازۍ او زراعت په ډګر کې د هېواد په کچه یو ستر انقلاب وي.

دغه بندر چې د اوبو مهارولو لپاره جوړېږي، د نهه میګا واټه برېښنا د تولید ظرفیت به هم ولري او د برېښنا د توربینونو د نصبولو چارې به یې څلور میاشتې وروسته پیل شي او په یوه کال کې به بشپړ شي.

Comments
Loading...