چارواکي: د داعش جنګیالي له ختیځو ولایتونو بدخشان ته ټول شوي دي

0 45

د بدخشان په شپاړسو ولسوالیو کې وسله وال مخالفین فعالیت کوي.

په بدخشان کې سیمه ییز مسوولین وایي د هغو بهرنیو ترهګرو د فعالیت ساحه پراخه شوې چې د طالبانو تر چتر لاندې د داعش په نامه فعالیت کوي.

د بدخشان والي زکریا سودا وایي د وسله والو طالبانو فعالیت داعش ډلې ته زمینه برابره کړې ده اوکه ونه ځپل شي نو راتلونکې کې به نه یوازې افغانستان بلکې چین، تاجیکستان او نړیوالې ټولنې ته جدي ګواښ وګرځي.

د بدخشان والي وایي داعش په ختیځو او سویلي ولایتونو کې ماتې خوړلې او اوس غواړي په بدخشان کې قوي قلمرو ولري.

 په همدې وخت کې د بدخشان د ولایتي شورا غړی جوید راغستانی  وایي اوس ۴۰۰ بهرنیي  جنګیالي چې داعشیان دي د بدخشان په وردوج او نورو ولسوالیو کې د طالبانو تر بیرغ لاندې فعالیت کوي.

هغه وایي چې د سولې خبرو پروخت به دا کسان د داعش بیرغ پورته او فعالیتونه به یې ښکاره کړي.

  په داسې حال کې چې یو کال وړاندې طالبانو د بدخشان په اتو ولسوالیو کې فعالیت درلود اوس چارواکي وایی چې دا فعالیت شپاړسو ولسوالیو ته پراخ شوی دی.

Comments
Loading...