په څلورویشت ساعتونو کې د کرونا ویروس ۱۰۴زره پیښې ثبت شوی

0 51

په ټوله نړۍ کې په کرونا ویروس د اخته کسانو شمېر له پنځو میلیونو کسانو لوړ شوی.

تراوسه دغې ناروغۍ په ټوله نړۍ کې څه باندې درې سوه زره کسان مړه کړي دي.

 د روغتیا نړیوال سازمان وایي په تیرو څلورویشت ساعتونو کې د کرونا ویروس ۱۰۴ زره ناروغان ثبت شوې دي.

 له امریکا، برتانیا او ایټالیا وروسته تر ټولو ډېر کسان د کرونا له کبله فرانسه کې مړه شوي دي.

د برتانیا عامې روغتیا وزیر مټ هنکوک وايي، هېواد کې د کرونا وېروس معاینې لپاره یوه نوې اله تجربه کېږي، چې په وینا یې په ۲۰ دقیقو کې به معلومات ورکوي.

 د انګلستان روغتیا وزیر وايي، ښايي له کرونا وېروسه د خلکو خوندي ساتلو واکسین چمتو کول ښايي یو کال یا یو نیم کال وخت ونیسي.

د اکسفورډ پوهنتون څېړوونکو د واکسین ازموینه پیل کړې، خو وروسته به معلومه شي چې دغه واکسین د وېروس مخنیوی کوي که نه.

Comments
Loading...