ولسشمر غني له طالبانو سره تر مخامخ خبرو وړاندې د اوربند په ټینګښت ټینګار وکړ

0 58

ولسمشر غني نن د افغانستان د سولې له پاره د امریکا له ځانګړي استازي زلمي خلیلزاد سره وکتل.

په دې کتنه کې دواړو لوریو د سولې پروسې د راتلونکو اقداماتو په اړه خبرې کړې او تر مخامخ مذاکراتو وړاندې یې د اوربند په ټینګښت یا د تاوتریخوالي په کموالي ټینګار وکړ.

ارګ وایي زلمي خلیلزاد  تیاری وښود چې یاده موضوع به له طالبانو سره مطرح کړي.

په دې کتنه کې دغه راز  د طالب بندیانو د خوشې کېدو په اړه هم خبرې شوې او څرګنده شوې چې د افغانستان حکومت او طالبان  دې په دې برخه کې په یو واضح او معقول میکانېزم چې د دواړو لوریو د تخنیکي ټیمونو له لوري رامنځته او دواړو لوریو ته د منلو وړ وي، هوکړې ته ورسېږي.

خلیلزاد نن له قطر څخه کابل ته راستون شوی دی.

Comments
Loading...