فلسطين له امريکا او اسراييلو سره ټول تړونونه لغوه کړل

0 58

فلسطين له امريکا او اسراييلو سره ټول تړونونه لغوه کړل

د فلسطين ولسمشر محمود عباس هغه ټول تړونونه لغوه او ناچله اعلان کړل چې د فلسطين د حکومت او د فلسطين د ازادۍ د ګوند له خوا له اسراييلو او امريکا سره شوي ول.

ده په يوه غونډه کې اعلان وکړ چې د فلسطين حکومت او د فلسطين د ازادۍ ګوند تر دې وروسته له اسراييلو او امريکا سره هيڅ ډول تړون ته، هيڅ ډول ژمنتيا نه لري.

محمود عباس وويل، تر دې وروسته اسراييل د فلسطين پر خاوره د يوه يرغلګر په څېر دي او تمه دې نه کوي چې څه بد به نه ورسره کېږي.

ده وويل، حکومت يې له ملګرو ملتونو سره بيا تر سره شويو تړونونو ته ژمن دی او له اسراييلو سره هم د يوه حکومت په څېر خبرو ته چمتو دي.

عباس د نړۍ پر نورو هېوادونو غږ وکړ چې د امريکا او اسراييلو پر وړاندې دې د فلسطين ملا وتړي.

Comments
Loading...