عامې روغتیا وزارت: د قربانۍ پر مهال کانګو ناروغۍ ته متوجه اوسئ

0 31

عامې روغتیا وزارت خبرداری ورکړی چې خلک دې لوی اختر کې د څارویو د قربانۍ پر مهال کانګو ناروغۍ ته جدي متوجه اوسي.

کانګو تبه یوه وژونکي ویروسي ناروغي ده چې له غواګانو، مېږو، وزو او نورو څارویو څخه انسان ته انتقالېږي.

په نیم ځواکه، کمزورو او ناروغو څاریو کې د کانګو ویروس شته او خلک دې د قربانۍ پر مهال د دې ناروغۍ نښو ته متوجه وي.

د عامې روغتیا وزارت په وینا، په دې ناروغۍ د اخته کېدو د مخنیوي لپاره باید د څارویو سره د مخ کېدو پر وخت دستکشې، ماسک، موزې او سپینه چپنه واغوستل شي.

د دې ناروغۍ ویروس د څارویو د کنې په واسطه د انسان بدن ته ننوځي. تبه، سردرد، د ستونې درد او خپګان د دې ناروغۍ نښې بلل کېږي.

Comments
Loading...