طالبان: د ژمنې مطابق خوشې شوي بندیان بېرته د جګړې ډګر ته نه ځي

0 38

په قطر کې د طالبانو سیاسي دفتر وایي، زموږ د ژمنې پر اساس د افغانستان حکومت له لوري خوشې کېدونکي بندیان به بېرته د جګړې ډګر ته نه ستنېږي.

د دې دفتر ویاند سهیل شاهین ویلي، د هوکړې پر اساس موږ خپلو خوشې کېدونکو بندیانو ته لارښوونه کړې چې پخپلو کورونو کې واوسېږي او د جګړې ډګر ته ستانه نشي: «زموږ خلاصو شویو بندیانو ته هدایت شوی چې پخپلو کورونو کې واوسېږي او د جګړې ډګر ته ولاړ نشي. هغوی پرې کلک عمل کړی، خو زموږ پر بندیانو چاپې وهل کېږي، نیول کېږي او بېرته بندیانېږي.»

تر دې وړاندې څو ځله افغان حکومت وویل، چې خوشې کېدونکي طالبان بېرته د ګړې ډګر ته ستنېږي او په یو شمېر مواردو کې خوشې شوي بندیان له خپلو هوکړو سره یو ځای ونیول شول او تصویرونه یې د ثبوت لپاره په ټولنیزو رسنیو کې خپاره شول.

Comments
Loading...