طالبانو اختریز پیغام کې ژر تر ژره د بین الافغاني مذاکراتو پیلېدو غوښتنه کړې

0 29

د طالبانو مشر هیبت الله اخندزاده د لوی اختر په مناسبت په خپاره شوي پیغام کې د سولې لپاره د طالب بندیانو خلاصون یو مهم پرمختګ بللی، خو د پاتې طالب بندیانو پر خوشي کیدو یې ټينګار کړی دی.

د طالبانو له لوري په خپاره شوي پیغام کې ویل شوي، د بین الافغاني خبرو د پیلیدو په موخه له ښکېلو خواوو غواړو چې د دې خبرو پر وړاندې پراته خنډونه له مخې لیرې کړي.

نوموړي ویلي، د بین الافغاني خبرو د پیل لپاره طالبانو خپل مسولیت ادا کړی او له پاتې اړخونو یې غوښتي چې له دغه فرصت ګټه پورته کړي: « له افغانستان څخه د یو شمیر امریکایي سرتیرو پر وتلو خوښ یوو او له تړون سره سم د پاتې امریکایي ځواکونو پر وتلو هم ټينګار کوو.»

تر دې وړاندې حکومت ویلي چې د بندیانو خوشې کول سولې ته زموږ بشپړ نیت ښیي او که طالبان تاوتریخوالی راکم کړي، د سولې پروسې پاتې پرمختګونو ته هم ژمن دي.

No photo description available.

Comments
Loading...