سرچینه: له اختر وروسته بین الافغاني مذاکراتو ته تیاری نیول شوی

0 45

افغان حکومت او طالبان له اختر وروسته په قطر کې د بین الافغاني مذاکراتو لومړنۍ غونډې ته تیاری نیسي.

د معلوماتو له مخې د طالبانو د پنځو زرو بندیانو په خوشې کولو سره د بین الافغاني مذاکراتو پر وړاندې شته ټول خنډونه له منځه تللي دي او ژر به د مخامخ مذاکراتو د لومړۍ غونډې نېټه څرګنده شي.

د افغان سولې لپاره د امریکا استازی زلمی خلیلزاد او ولسمشر غني نن مازیګر پر همدې موضوع بحث کوي: «د خلیلزاد او ولسمشر غني د کتنې د بحث نننۍ موضوع دا ده چې په کومه نېټه بین الافغاني مذاکرات پیل شي او د تخنیکي موضوعاتو څرنګوالی روښانه شي.»

په ورته مهال د ملي امنیت سلاکار نن په کابل کې د المان سفیر اکسل سایډلر سره کتلي او د دواړو د کتنې د بحث موضوع د مخامخ خبرو د پیل په اړه وه.

اټکل دا دی چې تر دوحې وروسته د مخامخ مذاکراتو دویمه غونډه په بُن کې وشي او المان له وړاندې په تیاري بوخت دی.

Comments
Loading...