د کرونا له امله د بېوزلۍ کچه ۱۳ سلنه لوړه شوې ده

0 41

د ملګرو ملتونو پراختیایي پروګرام وایي، د کرونا ویروس د خپرېدو له امله په افغانستان کې د بېوزلۍ کچه ۱۳ سلنه لوړه شوې ده.

د یاد سازمان د راپور له مخې، د کرونا ویروس د خپرېدو له امله افغانستان کې د بېوزلۍ کچه له ۵۵ سلنې ۶۸ سلنې ته لوړه شوې ده.

دغه راز ویل شوي دي چې د کرونا له امله د افغانستان اقتصاد ته هم لوی زیان اوښتی دی.

تر دې وړاندې نړیوال بانک ویلي و، چې د کرونا له وجې د ټولې نړۍ اقتصادي حالت ته زیان اوښتی او بېرته پخواني حالت ته راتلل به پنځه کاله وخت ونیسي.

دغه راز ولسمشر غني د کرونا د منفي اغېزو په اړه ویلي و چې په افغانستان کې ۹۰ سلنه خلک د بېوزلۍ تر کرښې لاندې ژوند کوي.

Comments
Loading...