د عامې روغتیا وزارت خلکو ته: په کور کې پاتې شئ روغتونونه ډک شوي

0 44

په تیرو څلورویشتو ساعتونو کې په هیواد کې د کرونا ویروس ۵۳۱  نوې پیښې ثبت شوې.  په دې سره په هیواد کې د کرونا ویروس د مثبتو پیښو ټول شمېراته زره او ۶۷۶ ته ورسید.

په کابل کې له نورو ولایتونو ډېرې ۲۷۴ پیښې ثبت شوې دي.

  په کرونا ویروس د نویو اخته شویو کسانو شمېر ښیی چې د ۱۰۰۷ شکمنو څخه یې ۵۳۱ مثبتې ثابتې شوې دي.

له دې ډلې ۲۷۴ په کابل، ۶۹ په هرات، ۵۵ په بلخ، ۳۵ په ننګرهار، ۲۶ په وردګو، ۱۵ په سرپل، ۱۴ په پروان ، ۱۲ په پکتیکا،۱۲ په خوست، ۷ په پکتیا، ۵ په لغمان، ۳ په فاریاب، ۲ په جوزجان، ۲ په فراه  او یوه هم په بادغیس ولایت پورې تړاو لري.

په دې سره په هیواد کې په کروناویروس د ټولو اخته کسانو شمېر ۸۶۷۶ ته رسیږي.

د  عامې روغتیا وزارت د روغتیایي خدمتونو مرستیال وحیدالله مجروح  وایي  تازه شپږ کسان له دې امله مړه شوي چې د کرونا ویروس له امله په هیواد کې د ټولو مړو شویو شمېر ۱۹۳ او د روغو شویو شمير ۹۳۸ ته رسیږي.

 وزارت خبرداری ورکوي چې روغتونونه ډک شوي او د ډله ییزې مړینو اندیښنه موجوده ده.

دعامې روغتیا وزارت ټینګار کوي چې په هیواد او ځانګړې توکه کابل کې به بیا محدودیتونه ولګوي.

Comments
Loading...