د افغانستان نفوس ۳۲٫۹ میلیونه اعلان شو

0 62

د احصایې او مالوماتو ملي اداره وایي، د هېواد د ټولو وګړو شمېر په ۱۳۹۹ كــال كې ۳۲٫۹ مـیليون تنه اټكل شــوی دی چې له دې ډلې څخه ۱۶٫۸ مـیليون تنه (۵۱٫۰ سلنه) نارينه او ۱۶٫۱ مـیليون تنه (۴۹٫۰ سلنه) یې ښځينه وګړي جوړوي.

له یادې  ادارې خپره شوې خبرپاڼه کې راغلي، د هېواد د ۳۲٫۹ مـیليون تنو وګـــړو له ډلې څخه ۲۳٫۴ مـیليون تنه (۷۱٫۰ سلنه) كليوالي وګړي،۸٫۰ مـیليون تنه (۲۴٫۴ سلنه) ښاري وګړي او ۱٫۵ مـیليون تنه (۴٫۶ سلنه) یې کوچي وګړي جوړوي.

د وګړو په دې اټکل کې ۳۴ ولايتونه (۳۶۴ اصلي ولسـوالۍ، ۲۴موقتې ولسوالۍ او ۳۴ د ولايتونو مـــركـزونه) شـامل دي.

یاده خپرونه چې هر کال په پښتو، دري او انګلیسي ژبو کې د احصایې او معلوماتو ملي ادارې لخوا خپرېږي، ټولو وزارتونو او دولتي ادارو ته په وړیا ډول وېشل کېږي او الکترونیکي فایل یې بیا د ادارې په وېبپاڼه کې خپرېږي.

Comments
Loading...