خلک: د کابل شمالي ولسوالیو کې د نا امنیو تر شا پټ لاسونه دې رسوا شي

0 46

د کابل په شمالي ولسوالیو چې د بګرام هوایي ډګر لاره او د کابل شمالي دروازه بلل کېږي، ورځ تر بلې د نا امنیو زیاتېدو اندېښنې راپورته کړي.

خو د نورو سیمو له ناامنۍ سره د کابل د شمالي ولسوالیو د نا امنۍ لوی توپیر د یوې مرموزې لوبې د افشا کېدو تلوسه هم زیاته کړې ده.

تازه بېګاه ماښام د کابل قره باغ ولسوالۍ کې د غیر مسوولو وسله والو له لوري په «پیتاوه» کلي کې درې ملکیان وژل شوي دي.

د قره باغ ولسوال محمد حنیف صدیقي هم دغه پېښه تایید کړې خو د وسله والو په تړاو یې څه نه دي ویلي.

د فرزې اوسېدونکي خیال محمد په ټلیفون وویل: «دغه وسله وال طالبان نه دي او د دې سیمې د حکومت له سیاسي مخالفینو او بهرنیو سرچینو څخه په تمویلېدونکو مالي امکاناتو او پخوانیو تجهیزاتو یې نا امني جوړه کړې ده.»

نوموړي نور جزیات ور نه کړل، خو ښایي د دې سیمې له نا امنۍ څخه د کابل د دروازې د بندولو په توګه په استفادې دغه وسله وال په حکومت فشار راوړي او بهرني تمویلونکي بیا د سولې په قضیه کې په حکومت د خپلو غوښتنو عملي کولو لپاره له دې مُهرو استفاده کوي.

Comments
Loading...