ختیځو ولایتونو کې د پولیو واکسین کمپاین پیل شو

0 39

د هېواد په ختیځ کې مسوولین وایي، د کرونا له امله د پولیو واکسین ځنډېدلی کمپاین بېرته پیل شو.

په ختیځ کې د پولیو واکسینو د کمپاین مسوولین وایي، دغه کمپاین نن پیل شو او درې ورځې به دوام ورکړي.

د دوی په وینا، له پخوا سره دا ځل د پولیو کمپاین توپیر دا دی چې خپل پرسونل ته یې په کرونایي شرایطو کې د واکسین کولو ځانګړې روزنه ورکړې ده.

د کرونا له وجې په هېواد کې د پولیو واکسین بندېدو د ماشومانو د ګوزن زیاتېدو په اړه جدي اندېښنې راپورته کړې دي او د روغتیا نړیوال سازمان خبرداری ورکړی چې په نړۍ کې له دې پدیدې سره مبارزې ته نه پاملرنه د ماشومانو راتلونکې ګواښي.

افغانستان، پاکستان او سومالیا هغه هېوادونه دي چې پولیو په کې اوس هم د ماشومانو ژوند ته جدي ګواښ دی.

Comments
Loading...