خبرونه د ملي امنیت د “مرګ” په نوم قطعې د جګړې ډګر ته راودانګل

0 101

د افغانستان د ملي ریاست کې یوې سرچینې وویل، د “مرګ” په نوم ددې ریاست یوې نوې تر ټولو ځواکمنې او سمبالې قطعې په کندز ولایت کې عملیات پیل کړي دي.

د سرچینې په خبره، دغه قطعه شاوخو ۲۰۰ غړي لري چې په شمال ختیځو ولایتونو کې به عملیات ترسره کوي.

بلخوا شمال کې شاهین قول اردو هم ویلي، چې دغې قطعې کندز ولایت کې خپل فعالیتونه پیل کړي دي.

له قول اردو خپره شوې خبرپاڼه کې ویل شوي” دغه قطعه په عادي حالت کې ۳۰ کېلو وزن انتقالوي، خو کله چې عملیاتو ته ځي، کولای شي ۹۰ کیلو وزن هم له ځانه سره ولېږدوي”

قول اردو زیاته کړې ده چې د دغې قطعې د سرتېرو په هرو درېیو فیر کړیو مرمیو کې به یو هغه يې پر دښمن اصابت کوي او وژل کېږي به.

ظاهرآ لیدل کېږي چې دغه قطعه شمال او شمال ختیځ زون کې د طالبانو د لیزري او سرې قطعې خلاف جوړه شوې ده.

Comments
Loading...