دعوت له هماغه لومړۍ ورځې خپل روښانه افغاني دریځ درلود /ډاکټر لطیف یاد

د دعوت درنه پاڼه چې د۱۹۸۸  زیږدیز کال د دسامبر د میاشتې نه یې د ناروي په هیواد کې خپلې خپرونې پیل کړې دي دهیواد د نامتو ژورنالیسټ (صحافي) او لیکوال ښاغلي محمد طارق بزګر صیب په مشري خپریږي. د خپریدو له هماغه لومړۍ ورځې نه یې خپل روښانه افغاني دریځ درلود اوویې شول کولای چې د نورو افغاني خپرونو تر څنګ چې په بهر کې خپریدلې خپل افغاني رسالت په ښه توګه سرته ورسوي اوښه وځلیږي. 

 دعوت د پښتو ژبې، ژبپوهنې، دیني، ټولنیزو، تاریخي، فرهنګي، کلتوري او علمي برخو کې د خپل تاسیس له لومړۍ ورځې نه تر اوسه پورې چې دا دی نهه ویشت کلونه یې پوره کیږي ډیر په زړه پورې مطالب خپروي او خپاره کړي یې دي .

 د دعوت میډیا سینټر په برکت اوس دعوت په پښتو، دري او انګریزي ژبو هم خپرونې کوي چې دغه ګام یې په رښتیا سره هم د قدر او ستایني وړبولم. زه د دعوت د ویاړلې پاڼې د نهه ویشتمې کالیزې په ویاړ ښاغلی بزګر صیب ته مبارکی وایم او ده ته د لا زیاتو بریاووهیله کوم. 

په درنښت 

ډاکټر لطیف یاد

Categories: دعوت خپرونه