دعوت رسنۍ نهه ویشت کلنه شوه – عظم الدین علیمي

دعوت رسنۍ نهه ویشت کلنه شوه

عظم الدین علیمي – ناروې

دعوت رسنۍ نهه ويشت کلنه شوه څه د پاسه شل کاله د دعوت مياشتنۍ خپرونې د لوستنې وياړ را په برخه دی. دعوت د خپل نشراتي ژوند بشپړتيايي پړاوونه په ډېره ښه توګه وهلي او د رسنيو په کتار کې يې خپل وياړلی ځاي موندلی دی. دعوت په ډېر لږ وخت کې د هيواد د اديبو، ژبپوهو، تاريخپوهو، ټولنپوهو، سياستپوهو او په نورو برخو د مسلکي ليکوالانو پام ځان ته وراړولی او د هغوي همکاري يې خپله کړې چې په پايله کې د نشراتي ډګر ځلانده خپرونه ګرځيدلې او په زرګونو لوستونکي يې موندلي دي. په تېرو کلونو کې دعوت په بشپړې ناپلوۍ سره د هيواد ستونزې له ملي دريځه څيړلي او د هيوادوالو د اذهانو په روښانتيا کې يې خپله ملي دنده ترسره کړې ده. د دعوت مياشتنۍ خپرونې له لارې، د افغانستان ځوريدلو خلکو ته د خدمت په موخه، د رسنۍ د مؤسس او د امتياز د خاوند، ښاغلي محمد طارق بزګر، شپه ورځنۍ هڅې او زيار د ډېر قدر او ستاينې وړ دي. د دعوت خپرونې د نهه ويشتمې کليزې په مناسبت ښاغلي بزګر صيب، د خپرونې قلمي همکارانو او لوستونکو ته مبارکي وايم او د بزګر صيب د لا زياتې بريا هيله کوم.

هيره دې نه وي چې ښاغلي محمد طارق بزګر د دعوت میډیا ۲۴ په نامه د ويبپاڼې خپروونکی هم و چې اوس يې نوم افغان سباوون او دعوت میډیا۲۴ دي او له دې لارې يې هم د قدر وړ خدمتونه ترسره کړي او تر سره کوي يې.

Categories: دعوت خپرونه