داسې عاشقان هم پيدا کېږي

0 898

د مینې يوه کیسه خو په دې دنیا د لیلا او مجنون ډېره مشهور ده، خو لا مالومه هم نه ده چې خبره یې تر کومه سمه او تر کومه نه ده، خو د مینې داسې کیسې هم شته چې مين بې‌چاره په‌کې تر مجنون هم ډېر کړاوونه ګاللي دي.

يوه کيسه داسې ده چې یو هندي مهانند عاشق د خپلې مینې د لیدو له‌پاره چې په اروپا کې اوسېده، د ۱۹۷۷کال د جنوري له ۲۲مې په سایکل اروپا ته سفر پیل کړ او څلور کاله وروسته یانې په ۱۹۸۱ کال کې سویډن ته ورسېده، خو کله هلته له رسېدو وروسته یې د خپلې مینې په غېږ کې یو ماشوم ولید، مهانند فکر وکړ چې مینې یې واده کړی او یو ماشوم یې زېږېدلی دی، پټ له هغه ځایه روان شو او غږ یې هم و نه کړ.

دا کیسه هملته پای ته و نه رسېده، وروسته یې سویډنۍ معشوقې ۴۰ کاله وروسته د خپلې مینې داستان لیکلی، هندي مهانند چې کله کتاب ولید، د کتاب يوه دردمنده برخه یې ورته دا وه چې مینه یې لا هم په تمه ده او لار یې څاري.

هغه د بیا ځل له‌پاره د خپلې مینې څنګ ته رسېدلی او کوم ماشوم چې یې د هغې په غېږ کې لیدلی و، د هغې نه، بلکې د خور زوی یې و.
خو مهانند هم په خپله مینه دومره باوري و چې تر اوسه یې د خپلې مینې له‌پاره مجرد ژوند تېر کړی دی.

سرخط ورځپاڼه

Leave A Reply

Your email address will not be published.