دنيا چې نه ورانېږي، داسې انسانان لا ژوندي دي

0 616

د افريکا يو بزګر هره ورځ يو د اوبو ټانکری ډکوي، اوږده لاره وهي او بيا د دښتې او ځنګله د ځناورو تنده ماتوي.
دغه زړه‌سواند انسان اوس د واټرمېن يا د اوبو د سړي په نامه مشهور دی.
دی وايي، يوه ورځ روان و چې د ځنګله په ځناورو يې سترګې ولګېدې چې له تندې يې ژبې راوتلې وې او نږدې وو ټول مړه شوي وای، بس ده هم د اوبو ټانکر ډک کړ او ځناورو ته يې اوبه ورسولې.

واټرمېن وايي، د ځنګله تندې اخيستې ځناور داسې ورته خوشحاله وو چې دی يې وپوهاوه چې سخت ورباندې ګران دی، نور يې نو له ځناورو سره يارانه شوه او اوس يې په تنده کې نه شي پرېښووای.

د ده په خبره، اوس چې د ځنګله ځناور دی ويني، له فيله نيولې، تر کچر، هوسيو او نورو پورې، ټول منډې پسې وهي، لوبې او ترپکې ورته کوي او دا ورته ښيې چې واټرمېن پر دوی څومره ګران دی.

دی چې د اوبو ټانکر بوځي، هلته يې په يوه ډنډ کې تش کړي او بيا نو ځناور ورباندې خپله راټول شي، تنده ماته کړي، ده ته لوبې وکړي، دی خوشحاله شي، بس همدا ژوند دی. همدا انسانيت.

موږ ته راشه، که پر دېواله ناسته مرغۍ ووينو، که په هوا يا ونه کې، بس توپک مو ورته نيولی وي او ځای پر ځای مو وژلې وي.

سرخط ورځپاڼه

Leave A Reply

Your email address will not be published.