فېسبوك ته د ۵۰۰ ميليونو ډالرو جريمه

0 547

دا دعوا د فېسبوك لخوا  د آكالوس په نامه د مجازي حقيقت “ VR “ د ټېكنالوژۍ د يو شركت د پېرودنې پر مهال شوې ده. ويل كيږي چې پدې ټېكنالوژۍ كې كارول شوي كوډونه د يو بل شركت پورې اړه لري چې د اجازې پرته يې كارولي دي.

د امريكا د دالاس په ښار كې يوې ابتدايه محكمې د مقابل لورې په ګټه فېسبوك په ۵۰۰ ميليونه ډالرو جريمې محكوم كړ.

مدعي شركت زېنيماكس نوميږي او ادعا لري چې كوډونه يې د دوى د رضا خلاف د اكالوس د مجازي حقيقت په ټېكنالوژۍ كې كارول شوي دي چې اوسمهال د فېسبوك لخوا پېرودل شوى دى.

د فېسبوك د شركت مدافع وكيلانو د جريمې د وركولو ډډه كړې او څرګنده يې كړه چې د استيناف محكمې ته به مراجعه وكړي.

دا په داسې حال كې ده چې د زېنيماكس مدعي شركت له فېسبوكه د ۲ ميلياردو ډالرو د تاوان غوښتنه كړې وه خو محكمې يواځې ۵۰۰ ميليونه يې ومنل.

زېنيماكس شركت ادعا لري چې فېسبوك د دوى يو تن كار كوونكى استخدام كړى دى  او بيا يې د `فكري ملكيت د حقونو` له قانونه په سرغړونې سره اړوند كوډونه غلا كړي دي.

TRT PASHTO

Leave A Reply

Your email address will not be published.