کبر نو دې ته وايي

0 91

په متحده عربي اماراتو کې د فجیره ښار یوې اوسېدونکې له خپل مېړه د طلاق اخيستلو لپاره د عدالت ډېره جالبه غوښتنه کړې ده.

دې مېرمنې ویلي، خاوند یې ورسره له حده ډېره مینه لري، جنګ ورسره نه ‌کوي ان د کور صفايي ترڅنګ ورته پخلی هم کوي.

عربي رسنیو د دې مېرمنې په حواله لیکلي، له خاوند سره یې د واده کولو یو کال تېر شو، خو په دې موده کې یې ورته هيڅ ترخه خبره هم نه ‌ده کړې او په وینا د خاوند د دې رویې له کبله یې ژوند لکه په دوزخ کې تېرېږي.

دې مېرمنې د الفجیره ښار په یوې شرعي محکمه کې خپله دوسیه ثبت کړې او وايي، خاوند یې هيڅکله پرې غال مغال نه‌ دی کړی او هيڅ خبره یې ورته رد کړې هم نه ‌ده چې دې حالت یې زړه ورته تنګ کړی دی.

دا مېرمن وايي، له جګړې وېره لري، خو داسې هم ناشونې ده چې مینه‌ناک خاوند یې په هره خبره کې بښي او د جګړې پر ځای یې د ډالیو باران پرې وروي او زیاتوي، هغه رښتینې مباحثه غواړي، نه له اطاعته ډک خاوند.

دې مېرمنې له خپله خاونده دا شکایت هم کړی دی چې دومره یې د امر تابع و چې یوه ورځ یې ورته د وزن کمولو سپارښتنه کړې وه، هغه وزن یې دومره کم کړ چې د تمرین پر مهال یې پښه ماته شوه.

دې مېرمنې اوس په یوه سیمه‌یزه محمکه کې له خپل خاونده د جلا کېدو دوسیه ثبت کړې ده، خو محکمې ورته وخت ورکړی چې په خپله پرېکړه فکر وکړي.

Comments
Loading...