په هیڅ ځای کې له فیسبوکه نه شئ خلاصېدای

0 65

موږ او تاسې تل د ټولنیزو رسنیو د کارونې پر مهال له ډېر احتیاطه اخلو چې شخصي موادو ته مو څوک لاسرسي پیدا نه‌کړي، موقعیت مو څوک مالوم نه‌کړي او یا ځینې وخت نه غواړو چې هر څوک مو د سفر ځای په اړه مالومات ترلاسه کړي.

خو تازه په ډاګه شوي مالومات ښيي چې فېسبوک د ټولو کاروونکیو هر حرکت له نږدې تر څار لاندې نیسي، که څه هم ستاسې په موبایل کې د لوکېشن یا موقعیت تڼۍ بنده وي، خو فېسبوک مو د ای‌پي ادرس له‌ لارې ستاسې دقیق ځای مالوموي چې کوم ځای ته سفر کوئ او چېرته پر لاره یاست.

مخکې به ویل کېدل چې فېسبوک یوازې د چېک‌اِن اپشن له لارې د کاروونکیو موقعیت مالوموي، خو دا خبره وروسته له هغې لا په ډاګه شوه چې د کیلیفورنیا جنوبي پوهنتون فروفیسر الیګزنډرا کرولووا په دې اړه خپله تجربه شریکه کړه.

هغه د خپل موبایل لوکېشن یا موقعیت تڼۍ بنده کړه او د فېسبوک پر وال يې هم د چېک‌اِن په اړه څه مالومات ور نه‌کړل، خو په وینا يې کله چې یې له یوه ښاره بل ته سفر وکړ، فېسبوک ورته د نوي ښار اړوند اعلانات مخ‌ته کول او په دې سره ورته څرګنده شوه فېسبوک خپل ټول کاروونکي د چېک‌اِی سربېره د ای‌پي ادرس له لارې هم څاري.

Comments
Loading...