پر ټلېفون د “هو” ويلو په تاوانو خبر ياست؟

له تاسې څخه به هم په ټلېفون باندې خلکو پوښتنې کړې وي چې غږ مې اورې او تاسې به هو ورته ويلي وي، خو بخت مو په دې بيدار دی چې تر اوسه پورې درڅخه دغه پوښتنه يوازې خپلو ملګرو کړې ده، اما تر دې وروسته احتياط کوئ.

کيسه داسې ده چې اوس په نړيواله کچه د غلو يوه ستره ډله پيدا شوې، دغه ډله خلکو ته زنګونه وهي، يوه او بله پلمه ورته کوي او بيا د خبرو په منځ کې ورڅخه پوښتنه کوي چې غږ مې اورې، هغه چې ووايي، هو، بس د دوی کار وشو.

دوی بيا دغه د هو لفظ ثبتوي، ايډيټوي يې او بيا يې نو چې څه زړه وغوښتل هغه پوښتنې په خپله ثبتوي، د اړوند کس هو ورسره اچوي، بيا نو په محکمه کې هم څوک نه‌شي منکرېدای چې ده ورسره خبره منلې نه ده.

ځينې غله خو د کريډيټ کارټونو د غلا له‌پاره هم دغه کار کوي.
نو که غواړئ په بلا وا نه وړئ، له “هو” سره احتياط کوئ.

سرخط ورځپاڼه

Categories: دا هم شته / بیلابیل

خپل نظر ولیکۍ

Your email address will not be published.