پاکټي چای تر څښلو هاخوا دا کمالونه هم لري

پاکټي چای به مو ليدلی او څښلی وي. پاکټ يې څوک د جوش اوبو په پياله او څوک په ترموز کې ډوبوي.
خو راځئ نن په سرخط کې ولولئ چې تر څښلو هاخوا د چايو دغه پاکټونه نور کوم کمالونه لري.

د دغه چای پاکټونه د چايو تر څښلو وروسته د خپل باغ په یوه برخه کې تر خارو لاندې کړئ، ځکه تر ځمکه لاندې یو ډول کود تولیدوي چې باغ ته مو په ګټه دی.
که مو پښو ډېر بد بوی کاوه، دا پاکټ د یوې شپې یا ورځې له‌پاره په خپلو بوټو کې کېږدئ، بد بوی به یې ورک شي.

که مو چېرې قالینه او یا هم فرش چرک واخیست، لوند پاکټ پر هماغه ځای کښېږدئ، خيرې يې ورکېږي.
که مو د کور ښيښې چټلې شوې، نو همدا پاکټونه تر لوندوالي وروسته په ښيښو ووهئ.

او که مو وېښتان نه ځلېږي، نو همدا پاکټونه په اوبو کې پرېږدئ او بیا یې په سر ووهئ، وېښته به مو ځلا پیدا کړي.

سرخط ورځپاڼه

Categories: دا هم شته / بیلابیل