يو فيل تر پنځوس کاله بند وروسته خوشې شو

اورېدلي به مو وي چې په دې ورځو کې د پاکستان پوليسو يو خر زندان ته اچولی او تور يې ورپورې کړی دی چې قتل يې کړی او بايد سزا ورکړي، نن دا هم ولولئ چې په هند کې بيا يو بندي فيل تر نيمه پېړۍ زندان تېرولو وروسته خوشې شو.

دغه فیل په هند کې بندي شوی و او د بریټانیا د حیواناتو ساتنې یوې محکمې په خپلو هڅو له زندان څخه خلاص کړ.
په اتراپرادېش ایالت کې دا بندي فیل په زندان کې له بد سلوک سره هم مخ و او ډول ډول ظلمونه پرې کېدل.

کله چې دا خبر دې بریټانوۍ ادارې ته ورسېده، نو سم‌دلاسه یې یو ټیم د هندي حکومت په مرسته اتراپرادېش ته ولېږه او له هڅو او منډو ترړو وروسته یې دا فیل له زندان څخه خلاص کړ.

تر اوسه رسنيو څه نه دي ويلي چې دا فيل په کومه ګناه زندان ته اچول شوی و.

سرخط ورځپاڼه

Categories: دا هم شته / بیلابیل