يوه جزيره چې اوس هم د ډبرو سيکې پکې چلېږي

اسټراليا ته نږدې څو داسې جزيرې شته چې خلک يې راکړه ورکړه، لا هم د ډبرو په سيکو کوي.
دوی داسې ډبرې تراشلې دي چې منځونه يې سوري دي او چې څومره ډبره غټه وي، هومره يې ارښت زيات وي. 
ځينې خو داسې ډبرې هم شته چې دروندوالی يې ټنونو ته رسېږي او خلک ورباندې راکړه ورکړه کوي.

له دغو جزيرو څخه د يوې نوم ياپ دی، که څه هم د امريکا تر انتظام لاندې ده او ډالر پکې چلېږي، خو په کليو او بانډو کې يې اوس هم خلک راکړه ورکړه په ډبرو کوي.
د دې سيمې خلکو ديارلس زره وړې او غټې دغسې ډبرې په بانکونو کې هم ايښې دي.

تر اوسه دا مالومه نه ده چې په ياپ او ورڅېرمه جزيرو کې څنګه او له څه وخته په ډبرو راکړه ورکړه پيل شوې، خو څېړنې ورباندې روانې دي.

سرخط ورځپاڼه

Categories: دا هم شته / بیلابیل