هنديانو هم بدخرڅي پيل کړه

که څوک درته ووايي چې داسې يو تريو لېمو مې راواخيست، په منځ مې دوه ځايه کړ، ژبه مې ور ته را وايسته او څاڅکی څاکی تروش لېمو مې پرې را وڅڅاوه، خامخا به مو خوله اوبه وکړي، ځکه لېمو ته خوله اوبه کوي، خو راځئ نن په سرخط کې د داسې لېمو په اړه ولولئ چې هم خوله اوبه ورته کوي، هم يې خوند ور خرابوي.

د دې لېمو خوند نه دی خراب چې د خولې خوند خراب کړي، بلکې بيه يې دومره لوړه ده چې د انسان د خولې خوند خرابوي.
دا لېمو په هند کې په ۳۹ زره هندي روپیو وپلورل شو چې نږدې ۴۰۰ زره افغانۍ کېږي.

ټایمز اف انډیا لیکي، دا لېمو د تامل ناډو په یوه مندر کې بولۍ ته وړاندې شو چې بالاخره په پورته بیه وپلورل شو.

د دې لېمو ارزښت په دې کې دی چې په یوه مندر کې دننه یوه بوټي نیولی او هندیان یې د دیني ارزښت له کبله په لوړه بیه اخیستو ته چمتو شول، که نه هسې خو لېموګان په هند کې د یوې روپۍ درې دانې دي.

سرخط ورځپاڼه

Categories: دا هم شته / بیلابیل