هندواڼې هر څوک خوري، خو داسې ګټه نه‌شي کولای

0 546

تاسې به هم په ښار کې پرېمانه هندواڼې اخيستې او کور ته وړې وي، يا به مو په کوم باغ کې د پولې پر سر هندواڼه ماته کړې او نوش جان کړې وي، بس کيسه خلاصه، خو راځئ نن ولولئ چې يوه سړي د هندواڼې د خوړلو له شوق څخه څومره ګټه تر لاسه کړه.

کیسه داسې ده چې د امریکا په مشهور سوپر مارکېټ وال مارټ کې يوه کس د هندواڼې اخيستلو ته ولاړ و چې ولوېده او ژوبل شو.
ټپي شوي کس پر مارکېټ دعوه وکړه چې د ده د ټپ ۷،۵ میلیونه ډالر تاوان به ورکوي.
کیسه تر محکمې ورسېده او محکمې د ټولو اړخونو له څېړلو وروسته پرېکړه وکړه چې وال مارټ به د دې ټپ په بدل کې اړوند کس ته ۷۵لکه ډالر تاوان ورکوي.

تر دې وړاندې په دوه زره پنځلسم کال کې، د امریکا په الباما ایالت کې هم په یو مارکېټ کې یو کس ټپي شو چې بيا مارکېټ ۷،۵ میلیونه ډالره تاوان ورکړ.

سرخط ورځپاڼه

Comments
Loading...