د چين له شاهي هديرې د نايابه بيزو غاښونه موندل شوي

ساينس پوهان وايي، د چين د شاهي هديرې د کېندنې پر مهال يې د داسې بېزو غاښونه او هډوکي موندلي دي چې زرګونه کاله پخوا يې نسل د ځمکې له مخه ورک شوی دی.
دغه هديره په شان‌شي سيمه کې ده او دوه زره او درې سوه کاله پخوانۍ ده.

ساينس پوهان وايي، تر اوسه د دغسې بيزو هډوکي په نړۍ کې بل ځای چېرته نه ول پيدا شوي او اوس چې پيدا شول، پر بېزو يې ساينس پوهانو Junzi imperialis نوم ايښی دی.

دوی وايي، داسې اټکل کېږي چې دغه بېزوګان به تر دوه نيم زره کاله پخوا پورې لا ژوندي ول او د چين شاهي خاندان به د کورنيو حيواناتو غوندې په کورو کې ساتل.
ساينس پوهانو له دغو هډوکو څخه د Junzi imperialis بيزو ډي اين اې هم اخيستې ده او په دې اړه نورې څېړنې هم روانې دي.

سرخط ورځپاڼه

Categories: دا هم شته / بیلابیل

خپل نظر ولیکۍ

Your email address will not be published.