د فیسبوک کارونې ۲۰ ټولنیزې لارښوونې

0 43

ليكنه اوژباړه : نعمت الله پټانزی

  1. لازمه نه ده چې تاسې یوجعلي “اکاونټ” ولرئ، په دې کارسره موعقده اوفاصله نوره هم زیاتیږي.
  2. فرینډ”Friend” د یوې “ټولنیزې” کلمې په توګه ومنئ، څرنګه چې فیسبوک یوه “ټولنیزه رسنۍ” ده نه بل څه، په دې توګه تاسې هم د ټولنیزې آرامتیا احساس کولای شئ.
  3. د فرینډ “Friend”ریکویسټ هروخت د”له تا ځارشم” په معنې نه وي.
  4. لایک” like”د پُوست دخوښولو په معنې دی نه د هغه د لیکوال.
  5. داسې مه ګڼه چې ولې یې زما پُوست لایک کړ؟ یایې ولې لایک نه کړ؟.
  6. داڅرګنده ده چې تاسې به یو “پرمختللی” ژوند لرئ خو؛هیڅکله خپلو”ماشومانو”ته دفیسبوک اکونټ مه جوړوئ ،هغه ته دژوندانه لار او رازونه وروښیئ ؛فیسبوک کارول به پخپله زده کړي.
  7. کله چې یوڅوک ستاسې دپیغام ځواب درنه کړي نو؛تاسې پسې مه بیړني کیږئ داځکه چې هرسړی “واک” لري چې ستاسې پیغام ځواب کړي یانه .
  8. له خوښې نه پرته له خویندو اومیرمنو سره دملګرتیاهڅه مه کوئ.
  9. له خپل انځورسره دنورو ملګرو بې اجازې “تګ” کول لویه تیروتنه ګڼل کیږي.
  10. کله چې یوڅوک تاسې “انفرینډ” کوي نو؛ دوه ځله هغه ته ریکویسټ مه کوئ ،داسې نه ده چې تل ترتله به تاسې دهغه دملګروپه نوملړکې و اوسئ.
  11. دنورو عقایدو او رواجونو ته احترام وکړئ، داځکه چې ټول ستاسې غوندې آند اوفکرنه لري.
  12. دابه ستونزمن وي خو؛ د”امکان ترحده” شخصي حریم ته په احترام قایل شئ.
  13. باور وکړئ چې ستاسو شان اوانساني کرامت تردې لوړ دی چې دیوه لایک لپاره سوال یعنې “ګدایي” وکړئ.
  14. کله چې یوې نجلۍ ستاسو ریکویسټ ومانه نو؛ هغوی ته دمعرفت اوپیژندنې په پاربې ځایه پیغامونه مه لیږئ.
  15. کله چې لوی څښتن تعالی تاسې پیداکړئ ویې ویل: “فتبارک الله احسن الخالقین” چې په دې کې څه شک نشته خو؛پام مو وي چې دسیلفي په لیونتوب آخته نه شئ.
  16. فيسبوك دځان لپاره دمعلوماتو د را ټولولو ښه مرجع وټاکئ.
  17. له اندازې زیات انځورونه مه پورته کوئ.
  18. دفیسبوک له لارې دیوچا دسپکاوي هڅه مه کوئ،کیدای شي هغه ستاسوپه اړه ښه نظرونه ولرئ.
  19. په فیسبوک کې ددندو ،شخصي  چارو اونظرونو دتوپیروضاحت لازمي شرط دی.
  20. که چا “بلاک” کړئ ،له صبر زغم اوالهي تقوا نه کار واخلئ کیدای شي بریالي شئ.
Comments
Loading...