د فرعون د وخت مساج

0 49

د نړۍ په لر او بر کې بېلابېل ډولونه مساج ورکول کېږي، څوک یې د تېلو په وسیله کوي، څوک د بخار او څوک د اوبو، خو په مصر کې د اور مساج ډېر زیات مشهور شوی دی.
مصري رسنۍ لیکي، د نیل سیند پر غاړه د مساج ماهر عبدالرحیم د اور مساج یو مرکز پرانیستی چې په دې وروستیو کې یې مشتریان ډېر زیات شوي دي.
هغه وايي، د اور مساج اوسنی نه‌ دی، بلکې دا طریقه د فرعون له وختو وه چې هغه به له ټکنالوژي پرته د اور مساج په وسیله د بدن ټول دردونه ختمول او هغه وخت یې دې عمل ته د «اتشي تولي» وایه.
هغه وايي، د اور مساج لپاره یې له نویو طریقو کار اخیستل پیل کړي دي، خو په وینا یې دا کار ډېر زیات دقت او احتیاط ته هم اړتیا لري.
په مصر کې هغه ته یو ځل د ملا په درد اخته یو کس چې بې‌ هوښه و ورغلی و، هغه یې یوازې په یو ځل د اور مساج سره ټول دردونه ۱۰۰ فېصده ختم کړل، خو هغه وايي، د ځینو ناروغانو چې د ګردې، وینې فشار او نورو ناروغیو څوک اخته وي، د اور مساج ورته نه‌ ورکوي.
هغه د ناروغ پر ملا د یوه څادر په څېر تیکه غوړوي، بیا پرې ځانګړي تېل ور اچوي او له هغه وروسته ورته اور ورته کوي، خو په وینا یې اور دومره نازک وي چې یوازې د ناروغ بدن ته لږه تودوخه رسوي، نه دا چې ټوله تیکه وسوځوي.

Comments
Loading...