د عربستان یو پانګه وال خپل زوی ته په غلطۍ کې دوه ایربس الوتکې وپیرودې

0 92

د سعودي عربستان یو پانګه وال خپل زوی ته د لوبو د الوتکې پر ځای په غلطۍ کې

د ۳۶۵ میلیونو ډالرو په ارزښت دوه  ایربس الوتکې  وپیرودې

د سعودي عربستان  د انرژۍ د شاهي شرکتونو یو تن  پانګه وال  په کافي توګه په انګلیسي ژبه د نه پوهیدو له امله  خپل زوی ته  د زوکړې په تحفه کې  د لوبو د الوتکې د اخیستو پر ځای  په غلطۍ کې د ۳۶۵ میلیونو ډالرو په ارزښت دوه ایربس الوتکې وپیرودې.

نوموړي سعودي پانګه وال چې نه يی غوښتل نوم يي واخیستل شي ویلي دي چې  زوی يي د الوتکو سره  ډیره زیاته مینه لري. ما غوښتل چې د هغه د زوکړې د ورځې  په تحفه کې هغه ته  یو ډیره ښکلې د لوبو الوتکه ورکړم.

هغه ویلي دي چې  په انټرنټ کې  په پلټنو پیل وکړ. د ایربس  سایټ ته داخل شو. د ایربس په سایټ کې دوه  الوتکې فرمایش ورکړ. د فرمایش ورکولو نه سمدلاسه وروسته  د ایربس شرکت راسره  تماس  ټینګ کړ. خو دا چې زه  په انګلیسي ژبه  ښه نه پوهیدم  په غلطۍ کې مې  د لوبو د الوتکو پر ځای  د ایربس  الوتکو فرمایش  ورکړی وو او هغه مې تایید کړ.

خو کله چې  د پیسو ورکولو وخت راغی  هغوې ماته   وویل چې  ددې الوتکو  بیه   ۳۶۵ میلیونه ډالره کیږي. زه لږ  اشتباهي شوم  خو بیا مې د ځان سره  وویل چې  البته  دا به ډیرې ځانګړې  الوتکې وي. پيسې مې ورته  ټرانسفر کړې.

د الوتکو  د سپارولو وخت د رارسیدو سره  شرکت  راسره  اړیکه ټینګه کړه او د الوتکو د انتقال په خاطر يي  زمونږ نه د پیلوټانو غوښتنه وکړه.

کله چې شرکت د پيلوټانو غوښتنه وکړه ما د ځان سره وویل چې البته دوی پر مونږ  ملنډې وهي.

شرکت وویل چې  پيلوټان مو راولیږۍ چې الوتکې ورته تسلیم کړو. زه  دلته  پوه شوم چې  د لوبو د الوتکو پر ځای مې  ایربس ای ۳۵۰ – ۱۰۰۰ اس ډوله الوتکې پیرودلي دي.

trt.net.tr

Comments
Loading...