د سفر نړیوال ریکارډ

0 15

د لندن ښار دوو اوسېدونکیو ایډم لیټون او د هغه ملګري کرس فلیټچر د ټاکل شوي ټرانسپورټ له لارې په ۲۴ ساعتونو کې نهو هېوادونو ښارونو ته سفر کړی او په دې سره یې نړیوال ریکارډ جوړ کړ.
دې دواړو ملګرو له ۲۵ نه تر ۲۶ نومبر پورې د اورګاډي په وسېله له لندنه خپل سفر پیل کړ او وروسته امسټرډام بیا پاریس او بروکسل ته ورسېدل.
بروکسل ته له رسېدو وروسته په الوتکه کې برلين ته لاړل، له برلینه په بس کې پراګ ته لاړ او له هغې وروسته د یوې بلې الوتکې په وسېله براټسلاوا ته ورسېدل.
دې دواړو ملګرو د نړیوال ریکارډ جوړولو په موخه وینیا ته سفر وکړ او له هغه وروسته بډاپسټ ته ورسېدل چې د دوی اخري هدف هم ټاکل شوی و.
ایډم لیټون او کرس فلیټچر دا ټول مزل په په ۲۳ ساعتونو او ۵۰ دقیقو کې طی کړ او په دې سره یې خپل نومونو د نړۍ عجایبو کتاب ګنیز کې ثبت کړ.
ایډم وايي، له دې وړاندې یې په همدومره مهال کې تر ټولو ډېر هېوادونه هم لېدلي او په خبره یې په دې سفر له ډېرو ستونزو سره هم مخامخ شوی وو، خو بیا یې هم له دې سفره ډېر خوند واخيست.

Comments
Loading...