“د دې قبيلې يو ځوان هم د زړه له سکتې نه دی مړ شوی”

0 38

“چي مي ني” قبيله د امازون په ځنګلونو کې “بوليو” ته څېرمه ژوند کوي. دوی داسې انسانان دي چې د زړه د سکتې ناروغي خورا کمه پکې پېښېږي.

پر دغه ۱۶ زره کسه نفوسه قبيلې لانسټ طبي علمي تحقيقاتي مرکزې څېړنې کړې دي.

“چي مي ني” قبيله د کبانو ښکار کوي او په مزه مزه يې خوري.

ډاکټران د دوی د زړه سلامتي ته ځکه حيران دي چې له دې ناروغي ډېر کم مري.

يو سهار له لمرختو سره يوه ډله ډاکټران د امازون ځنګله ته ننوتل او د “چي‌مي‌ني” قبيلې د خلکو د کلسيم د ټيټوالي په هکله يې ۷۰۵ انسانان سي ټي سکن کړل. په دوی کې د ۴۵ کلنو کسانو په وجود کې د کلسيم يا “سي‌ای‌سي” د زړه د رګونو نيونې هيڅ اغېز نه و.

د “چي مي ني” قبيلې دوه پر درېيمه برخه کسان په ۷۵ کلنۍ کې ټيټ کلسيم لري، خو په امريکا کې د دغه عمر د انسانانو کلسيم ۲۵ سلنه وي.

د ځنګله څېړنو ثابته کړه چې د دې قبيلې يو انسان هم په ځواني کې ناڅاپي يعنې د زړه د سکتې له لاسه نه دی مړ شوی، حال دا چې د نړۍ د نورو سيمو د امارو په نسبت يې يوه طبي حيراني هم را منځ ته کړې ده.

دا خلک څه کوي؟

ښکار، کب نيول او سنتي بزګري يې ورځني کارونه دي. ګرځي او خواړه پيدا کوي. نارينه يې د ورځې ۱۷ زره او ښځينه يې ۱۶زره قدمه مزل کوي.

د ډاکټرانو څېړنو يو ځل بيا هغو کسانو ته وېره ور واچوله چې د ورځې ارام ناست دي او لوی مزل يې له کوره تر کارځايه وي.

څېړونکي په ټينګار له غوړو، سګرېټو او ډېرې ناستې د پرهېز غوښتنه کوي، که نه د زړه رګونه به مو بند شي او ناڅاپه به مړه شئ.

Comments
Loading...