د جسدونو موزیم

0 25

په موزیم کې ډېر وخت تاریخي اثار، قېمتي کاڼي، مجسمې، جالب توکي او داسې نور لرغوني اثار پراته وي، خو نن درته سرخط داسې موزیم در پېژني چې یوازې پکې د انسانانو جسدونه ايښودل شوي دي.
د ایټالیا په سیسلي سیمه کې د هدیرې په شکل یو موزیم دی چې لرغونتوب یې ۴۲۰ کالونو ته رسېږي او په لومړي ځل په ۱۵۹۹ کال کې د پادریانو یو مشر جسد پکې ایښودل شوی و، خو ورسته یې شمېر زیات شو.
په دې موزیم کې چې د خونو په څېر جوړ شوی، شاوخوا اته زره مومیايي شوي جسدونه پکې ایښودل شوي او هره ورځ یې سلګونه کسان ليدو ته ورځي، خو چې څوک غټ زړه و‌ نه ‌لري له دې موزیمه ليدنه نه‌شې کولای، ځکه ځینې جسدونه پکې ډېر ډاروونکي هم دي.
دې موزیم یا قبرستان ته له نورو سیمو هم ممویايي شوي جسدونه راوړل شوي. مخکې تر دې عامو خلکو ته اجازه نه ‌وه چې داخل ته ورشي، خو اوس دا موزیم د عامو خلکو پر مخ هم خلاص شوی دی او ځینې خلک له جسدونو سره انځورونه اخلي.

سرخط ورځپاڼه

Comments
Loading...