دې هلک خلک حيران کړي

په سریالونو او ډرامو کې به مو لیدلي وي چې يو څوک د بل کس ورمېږ تاو کړي او ځای پر ځای يې مړ کړي، خو راځئ نن په سرخط کې د یوه داسې ځوان په اړه ولولئ چې خپله غاړه تاووي راتاووي او هيڅ هم ورباندې نه کېږي.
دا ځوان په کراچۍ کې اوسي او نوم یې محمد سمیر دی.

سمیر خپلې غاړې ته ۱۸۰ درجې تاو ورکولای شي، یانې خپل مخ د شا لوري ته هم ګرځولای شي.

سمیر وايي، په شپږ کلنۍ کې يې یو امریکايي فلم ولید چې یو کس په‌کې خپله غاړه همداسې تاووي را تاووي، هماغه و چې ده خپله هم همدا کار پیل کړ او کله کله خو به یې ان تر ډ‌اکټر او شکسته‌بند پورې هم ورساوه، مګر اخېر هم بریالی شو چې خپله غاړه بشپړه تاو کړي.

سمیر وايي، کورنۍ یې ډېره اندېښمنه وه چې هغه ولې داسې کوي، خو اوس ورسره بلد شوي او ورته څه نه وايي.

سرخط ورځپاڼه

Categories: دا هم شته / بیلابیل