دفتر ته له تګه به نور بې‌غمه ياست

0 19

هر وخت خو په تېره سهار مهال هر یو هڅه کوي چې ژر ځان دفتر ته ورسوي او په چټکي خپل کارونه خلاص کړي یا یې مدیر غیر حاضر نه‌ کړي.
خو نوره اندېښنه مه‌ کوئ، ځکه د بېنټلې په نوم يوې كمپنۍ داسې موټر جوړ كړى چې كه په سړكونو بېروبار زيات وي، چلوونکی كولای شي خپل دفتري كارونه همدلته په خپل موټر كې سر ته ورسوي.
په دې موټر کې «ان بلټ وايي فای» سیسټم، ټلوېزيون سكرينونه، وايرلس، اى پيډ لپ ټاپ كمپيوټر سيسټم او تر ټولو اسانه ريموټ كنټرول هم ځاى پر ځاى شوى دى.
د موټر مولسني كانسيپټ په نوم موټر بيه له درې نيم سوه زره ډالرو لوړه وي.
خو د دې موټر اصلي موخه د وخت سپما ده او ویل کېږي هر امريكايي وګړى كاري دفتر ته په تلو كې د ورځې پنځوس دقيقې وخت بربادوي، بل خوا هر برېټانوى وګړى په كال كې پنځه اوونۍ دفترونو ته په تلو راتلو كې تېروي.
تر دې دمه مالومه نه‌ ده چې دا موټر به کله عام بازار ته وړاندې کېږي، خو د وخت په سپما کې ترې ډېره ګټه اخيستل کېږي.

Comments
Loading...