دا نجلۍ د ورځې لس واره ويده کېږي

0 161

خلک وايي، خوب‌وړي اوبو وړي وي، خو يوه نجلۍ چې لږ تر لږه د ورځې لس ځله ويده کېږي، بهترينه انجنيره ده او ډېر ويښ انسانان ورپسې نه شي رسېدلای.
دغه نجلۍ نکول هرسټ نومېږي، څوارلس کلنه ده او د بريتانيا په يارک شاير سيمه کې اوسي.

ډاکټرن وايي، نکول د نارکوليپسي په نامه، په يوه ناروغي اخته ده.
په دغه ناروغي د اخته انسان ماغزه خوب نه شي کنټرولولای او ناڅاپه انسان ويده کېږي، بېرته ناڅاپه ويښېږي.
دا چې پر لاره روانه وي هم، ناڅاپه راولوېږي او ويده شوې وي چې ډوډۍ خوري هم او حتا چې لامبي هم ويده شوې وي.

نکول به پخوا په شواروز کې درويشت ساعته ويده وه، خو اوس چې يې دواوې خوړلې دي، خوب يې لږ کم شوی، اما بيا هم د ورځې لس ځله ويده کېږي.
دا چې کله په ټلوېزيون ډاروونکي فلمونه ګوري، سکته کوي او پر ځمکه د څو دقيقو لپاره لوېږي.

دا په دې ټولو سربېره، تکړه انجينره ده او د ځان په څېر انسانانو ته يې يو داسې بالښت جوړ کړی دی چې يوازې په بريتانيا کې ورڅخه دېرش زره انسانان ګټه اخلي.

 

سرخط ورځپاڼه

Comments
Loading...