دا غوږ بولئ که د خزندو ځاله؟

کله کله عجیبه پېښې کېږي، سرخط مو له هرې یوې خبروي، خو راځئ نن په امریکا کې له یوې بلې نادودې خبر شئ.
کیسه داسې ده چې د امریکا په فلوریډا ایالت کې د یوې ښځې غوږ ته لال بېګ یا مادرکيک ننوتی او نږدې یوه اوونۍ یې په کې تېره کړې ده؟

ډېلي مېل ورځپاڼې لیکلي، دغې ۲۹ کلنې ښځې په خپل کې غوږ یو ځل د شور او د یوه څه د خوځېدو احساس وکړ، سره له دې چې ډېر یې زور کړ او تر خوا یې په یوه ډډه ټوپونه ووهل، مګر پایله یې ور نه کړه.

کیټي هولي وروسته قضیه خپل خاوند ته وویله او کله چې یې خاوند د خپلې مېرمنې غوږ په لاسي څراغ سره وکوت، ګوري چې لال بېګ پکې پروت دی.
هغه په ډېره هڅه یوازې د لال بېګ دوه پښې را ووایستې او نور مجبور شول چې ډاکټر ته ولاړ شي.

ډاکټر په ډېر مهارت ټول لال بېګ یا مادر کيک د مېرمنې له غوږه را ووایستل، خو تر اخېره یې همدا پوښتنه کوله؛” یوه اوونۍ دې خزندې ستا په غوږ کې څه ډول تېره کړې او ته پرې پوه شوې نه یې؟”

سرخط ورځپاڼه

Categories: دا هم شته / بیلابیل