داسې ماشوم چې په مغزو هر څه ويني

ساينس وايي، که انسان خپل حواس زيات فعال کړي، کولای شي له سترګو پرته هم څه وويني او و يې پېژني.
راځئ نن په سرخط کې د يوه هندي ماشوم په اړه ولولئ چې پر سترګو پټۍ تړي او داسې کارونه کوي چې سترګور يې هم په اساني نه‌شي کولای.
دغه ماشوم جيټ ټري ويډي نومېږي او په هند کې اوسي.

دی وايي، کلونه يې پر خپلو حواسو کار وکړ او اوس يې ماغزه دومره فعال کړي دي چې سترګې وتړي هم، هر څه ويني او پېژني يې.
ده پر سترګو پټۍ تړلې او د هند تر ټولو پر لوړ سړک يې په تړليو سترګو څلوېښت کيلو مټره موټر سايکل چلولی دی.
په ساينسي ژبه دې چارې ته ميډ براين ايکټوېشن وايي.

جيټ ټري ويډي وايي، دی نه يوازې په پټو سترګو موټر سايکل چلولای شي، بلکې کولای شي په پټو سترګو د ده پر خوا ورويشتل کېدونکي شيان ونيسي، په ستن کې تار وپېي او په دې سربېره په پټو سترګو له دريو تنو سره شطرنج وکړي او ورڅخه و يې ګټي.

سرخط ورځپاڼه

Categories: دا هم شته / بیلابیل

خپل نظر ولیکۍ

Your email address will not be published.