تودوخه بېټرۍ هم چارجوي

0 34

په نړۍ کې اوس‌ مهال له یو اربه ډېر خلک د برېښنا له نعمته بې‌‌برخې دي، خو د برېښنا غم خوړولو لپاره انجینیران په دې لټه کې دي چې نوې تجربې او لارې چار ولټوي.
د همدې لپاره په امریکا کې انجینیرانو یوه داسې اله جوړه کړې چې د ځمکې له تودوخې برېښنا اخلي او اوس‌ یوازې د موبایل بېټرۍ او یو کوچنی ګروپ چارجولای شي، خو په پام کې ده چې دا اله لا پیاوړې کړي.
د ریډي سکای کولېنګ په نوم دا اله د کلېفورنیا پوهنتون یو ساینس‌پوه ډاکټر اسوت رامن د خپلو ملګرو په مرسته جوړه کړې چې له ځمکې د حرارت راوتلو له لارې برېښنا تولیدوي.
د لوېدیځو رسنیو د مالوماتو له مخې، دا اله اوس په پنځه مربع مټر کې ۲۵ ملي واټه برېښنا تولیدوي چې د یوه کوچني ګروپ د روښانولو لپاره کفایت کوي، خو په ګرمو سیمو کې یې د تولید کچه زیاتېږي.
اوس‌ مهال د دې الې بیه ۳۰ ډالره ایښودل شوې او ساینس‌پوهان وايي، د دې الې د پیاوړي کولو لپاره به نورې تجربې هم وکړي.

Comments
Loading...