تر دې وروسته به سايه‌وانونه اغوندو

ځينې کسان داسې وي چې زړه يې غواړي تر باران لاندې وګرځي او سم ځانونه لانده کړي، خو ځينې نور بيا د باران پر مهال له لندېدو بد وړي او نه غواړي باران ورباندې و اوري.

دغه دويمه ډله کسان زيات وخت د باران پر مهال له د باندې ګرځېدو څخه ډډه کوي او که ډېر ضروري کار ورپېښ وي، نو سايه‌وان ورسره اخلي او د باندې وځي.
که تاسې هم له دويمې ډلې ياست، نو ستاسې له‌پاره يو خوندور خبر دا دی چې چينايانو اوس داسې سايه‌وانونه جوړ کړي دي چې پر سر د نيولو پر ځای اغوستل کېږي.

دغه سايه‌وانونه د سر له خوا تر مټو پورې اغوستل کېږي او چينايانو ورباندې راین‌کوټ نوم ايښی دی.
د دې سايه‌وان کمالونه دا دي چې درانه نه دي، په اسانۍ اغوستل کېږي او که مو اغوستی وي، دواړه خلاصونه مو خلاص وي او کولای شئ په لاسو کې بل شی هم ورسره ونيسئ.

تر دې لا ښه خبره دا ده چې که له باران سره باد ملګری وي هم سايه‌وان نه شي درڅخه وړلای او په دې سربېره، سايه‌وان له داسې موادو جوړ شوی چې که لوند شي او کيښودل شي، نه چڼاسې کوي، نه يې بوی ځي او نه هم ميکروبونه په‌کې ژوندي پاتې کېدای شي.

سرخط ورځپاڼه

Categories: دا هم شته / بیلابیل

خپل نظر ولیکۍ

Your email address will not be published.