تر اوبو لاندې رسټورانټ ته نه ور ځئ؟

0 85

تاسې به د غرونو، لوړو ودانیو او نورو بېلابېلو جالبو ځایونو پر سر تفریحي ځایونه او هوټلونه لېدلي وي، خو په ناروې کې یوې کمپنۍ تر اوبو لاندې یو داسې رسټورانټ جوړ کړی چې په ليدلو یې زړه‌ ته سکون پیدا کېږي.

رسنۍ زیاتوي، د ناروې په ساحلي سیمې لنډېس نېس کې دا رسټورانټ یوازې د خوراک او څښاک لپاره نه‌ دی ځانګړی شوی، بلکې د څېړنې لپاره هم کار پکې اخيستل کېږي.
د سنوهټا په نوم یوې مشهورې کمپنۍ په تخلیق جوړ شوی رسټورانټ له د باندې داسې ښکاري چې د دې ودانۍ نیمايي برخه لاندې په اوبو کې ده، خو په اصل کې دا رسټورانټ ۱۱۱ فوټه یا ۳۳۸۳ مټره لاندې سمندر کې رغول شوی دی.
دا رسټورانټ په یو وخت کې د زياتو کسانو د خوراک او استراحت وړتیا لري چې پکې بېلابېل سمندري خواړه پیدا کېږي او څلور خواوې يې په رڼو ښیښو پوښتل شوي چې بحري حیوانات هم پکې له ورایه ښکاري او د دې تر څنګ ډېره ارامه موسیقي هم پکې غږول کېږي.

Comments
Loading...