اوس توتیان هم معتادان شول

0 12

په ځينو هېوادونو کې د بزګرانو لپاره مرغان یو ډول افت وي، ځکه که چېرې د زرګونو مرغانو سېل پر یوه پټي برابر شي، نیم فصل يې ترې په ججورو کې وړي.
ځینې مرغان د غنمو، جوارو او نورو فصلونو په پټیو کې سېلونه سېلونه ښکته او پورته کېږي، خو په کې هندوستان د اپینو یا تریاکو په پټیو کې توتیان د دې زهرجن بوټي په خوړلو روږدي شوې دي.
د هندوستان د مدهیا پردېش په یوه سیمه کې تریاک د بېلابېلو موخو لپاره کرل کېږي، خو بزګران وايي، د توتیانو سېلونه یې پر فصلونو ښکته کېږي چې دوی یې شپه او ورځ اوس د خپلو فصلونو ساتنې ته اړ کړي دي.
یو کروندګر وايي، توتیان يې هره ورځ پر فصل برید کوي او ده یې د مخنیوي لپاره له لوډسپېکرونو، پټاقیو او نورو لارو چارو کار اخیستی دی، خو تر دې مهاله يې هیڅ ګټه نه‌ ده رسولې او په خبره يې توتیان یې اوس پر فصلونو دومره روږدي شوې چې ځینې وخت د اپینو پوره غوزه پرې کوي او له ځان سره يې وړي.

Comments
Loading...