ازموينه داسې وي

0 37

په ازموینه کې به مو کله نقل کړی وي او یا به کله ګیر شوي هم یاست او ښوونکي به درته جزا درکړي وي، خو په مکسیکو ښار کې استاد د نقل مخینوي لپاره ډېره جالبه طریقه کارولې ده.
د ازموینې پر مهال د نقل مخینوي لپاره کامرې، ممتحن او نور څارونکي ګومارل کېږي، خو د مکسیکو ریاست په ټلاکسالا سیمه کې یو استاد د فراغت ازموینې د خپلو زده‌کوونکیو د نقل مخنیوي لپاره د ټولو زده‌کوونکیو پر سرونو د کاغذ کارټونه ایښي چې یو بل ته و نه ‌ګوري او نقل و نه ‌کړي.
د امتحان دې شېبې یو انځور پر ټولنیزو رسنیو هم خپور شوی دی او د ازموینې اخيستونکي ځینو استادانو او د زده‌کړو ماهرانو دا کار غندلی او د نقل د مخنیوي لپاره یې تر ټورو نامناسبه طریقه په ګوته ګړې ده.
په دې سیمه کې د «بچلرز» په نوم کالج استاد لويي هواریز د خپلو زده‌کوونکیو پر سرونو کاغذي کارتونه ایښي چې دوی یوازې خپله پارچه ليدلای شوای بس.
کله چې د ازموینې د دې شېبې انځور پر ټولنیزو رسنیو خپور شو، د زده‌کوونکیو والدینو تر څنګ ډېرو کسانو پرې نیوکې وکړې او دا یې غیر انساني عمل وباله او د مکسیکو له حکومته یې غوښتنه وکړه چې دا ښوونکی له دندې لرې کړي.
خو ځینو کسانو بیا د نقل د مخینوي لپاره دا کار ستایلی او غیر معمولي یې بللی دی او په ۲۰۱۳مېلادی کې په ټایلينډ کې هم ورته کار له زده‌کوونکیو سره شوی وو، خو هلته له کاغذي ټو ټو زده‌کوونکیو ته خولۍ جوړې شوې وې چې بلې خوا ته و نه ګوري.

Comments
Loading...