د مهاتما ګاندهي ( ګاندهي جي ) وژونکي ( قاتل ) څوک واو ولې یې وواژه ؟/ ډاکټر لطیف یاد

مو هنداس کرم چند ګاندهي( ګاندهي جي ) ته دهند ولس ځکه دمها تما لقب ورکړی دی چې مها آتما یعنې ستر ې اروا او یا ستر روح ته ویل کیږي او نوموړی دهنددملت بابا ګڼل کیږي .
مهاتما ګاندي په۱۸۶۹ زیږدیز/میلادی کال کې دهند دګجرات دایالت ( صوبې )په پوربندر نومي ځای کې په یوې اشرافي کورنۍ کې پیداشوی و. ده په لندن کې دحقوقو او قانون په برخه کې زده کړې کړي وې اوډیر وخت یې په جنوبي افریقا کې دوکیل په توګه هم کار کړی و.مهاتما ګاندهي ساده ژوند درلود .تول کارونه به یې پخپله کول ،ځان ته به یې دڅرخې په ذریعه دخمتا کالي اوبدل ، خپل کور به یې پخپله جارو کاوه ، یوه وزه یې درلودله او هغه به یې لوشله او دهغې دپیو ( شودو) نه به یې ګټه اخیستله.دي پر خپلو خلکو او خپل ولس ډیر ګران و او دهند دآزادۍ یو ستر مبارزو اوپه پای کې د۱۹۴۸ کال د جنورۍ په ۳۰ نېټه دیوه متعصب هند و له خوا چې نوم یې نتهو رام ګودسې و وژل شو.
نتهورام ګوډ سې څوک و؟ 
د ده اصلي نوم رام چندرا وینایک ګودسې و Nathuram Vinayak Godse وچې د۱۹۱۰ زیږدیز /میلادي کال کې دهند د مهاراشټرا ایالت پونې ته څیرمه دباراما تي په سیمه کې په یوې برهمنې مذهبی کورنۍ کې زیږیدلی و. خو ځکه ده ته نتهورام ویل کیده چې موریې ده ته په پوزه کې کړۍ اچولې وه په مرهټي ژبه کې دپوزې کړۍ یا حلقې ته نتهو وایی.
نتهورام په پیل کې دګاندي جي دافکارو سره مینه درلودله ، خو کله چې دافراطي مذهبي او تنګ نظره هندو مذهبي نیشنلیستو ډلو او له هغو نه Rashtriya Swayamsevak Sangh (RSS) او Hindu Mahasabha سره یوځا ی شو نو په افکارواوسوچونو کې یې بدلون راغی ، همداراز نتهو رام ګوډسې دمرهټي ژبې یو اخبار هم چلاوه چې نوم یې اګراني و او په هغه کې یې دګاندي جې افکار غندلي او هغه یې دهندوستان دخلکو پر خلاف بللي دي . همداراز نتهورام ګودسي به ویل چې هندوستان یوازې دهندوانو هیواددی او مسلمانان دلته دژوند کولو حق نلري .همداراز ده دګاندهي جي دعدم تشددپالیسي چې دوینو دتو ېیدلو پر خلاف وه هغه یې نرمه پالیسۍ ګنله او غندله یې او دغه پالیسي یې دهند دولسونو په ګټه نه بلله.
په پای کې نتهورام ګودسې تردې نه دمخه هم یوځلې د خپلې یوې هم فکرې ډلې سره له بمبئي نه ډیلي ته راغلی و چې ګاندي جي ووژني دوی په خپل پلان ( منصوبه )کې بریالي نه شول، یو تن یې ونیول شو او نور بېرته بمبئي ته ستانه شول.
لس ورځې وروسته ګودسې بیا له خپلو ملګرو سره ډیلي ته ته راغی او د۱۹۴۸ کالد جنوري په دېرشمه نېټه د مازدیګر په پنځو بجو ېې خپل ځان تر ګاندي جي ورساوه، او په درېیو مرمیو سره ېې وواژه، همالته یې خپله وسله کېښوده، پولیسو ته ېې غږ کړ او خپل ځان یې قانون ته تسلیم کړ.
ګودسې ویلي و: داسې څوک مې وواژه چې سیاست او لارې یې په زرګونه هندوان نابودۍ سره مخ کول، د هغه له منځه وړو لپاره قانوني لاره نه وه؛ نو ځکه مې په مرمیو وویشت.
وروسته د ده محاکمه پیل شوه او بیا د۱۹۴۹ زیږدیز کال د نوامبر په ۱۵ نیټه دا مباله په زندان کې ورته د پاڼسۍ سزا ورکړل شوه .
دده دپاڼسۍ او وژلو دسزا سره دګاندي جي زامنو هریوه مني لعل ګاندي او رامداس ګاندهي مخالفت وکړ او داکار یې دګاندي جي داصولوخلاف کار وباله ، خو دهغه وخت حکومت، عدالت اوسرکار دهغه پاڼسي وغوښتله او ده ته دغه سزاورکړل شوه .

تاسو په لاندنیو انځورونو کې د ګاندي جي د قاتل او وژوتکي نتهو رام او د ګاندي جي دمړینې صحنه لیدلی شئ !

 

Categories: بېلابېلې مقالې,مقالې-روانې چارې /ټولنیزې/ سیاسي

Tags:

خپل نظر ولیکۍ

Your email address will not be published.